Exo 15 | Ndebele | STEP | Khona oMozisi labantwana bakoIsrayeli bahlabelela lelihubo eN kosi ni ; bakhuluma bathi: Ngizahlabelela iN kosi , ngoba iphakeme isibili. Ibhiza lomgadi walo ikuphosele olwandle.

1 Khona oMozisi labantwana bakoIsrayeli bahlabelela lelihubo eNkosini ^a; bakhuluma bathi: Ngizahlabelela iNkosi ^b, ngoba iphakeme isibili. Ibhiza lomgadi walo ikuphosele olwandle. 2 INkosi ingamandla lehubo lami ^c, isibe kimi lusindiso ^d, lo nguNkulunkulu wami, ngakho ngizamdumisa, unguNkulunkulu kababa ^e, ngakho ngizamphakamisa ^f. 3 INkosi yindoda yempi ^g, iNkosi libizo layo ^h. 4 Inqola zikaFaro lebutho lakhe ikuphosele olwandle ⁱ, lokhetho lwezinduna zakhe lwacwiliswa oLwandle oluBomvu ^j. 5 Inziki zabasibekela ^k; behlela ekujuleni njengelitshe ^l. 6 Isandla sakho sokunene ^m, Nkosi, sidunyisiwe ngamandla; isandla sakho sokunene, Nkosi, sisiphahlazile isitha. 7 Njalo ngobukhulu bokuphakama kwakho ⁿ uchithile abakuvukelayo; uthumele ulaka lwakho oluvuthayo, lwabaqeda njengezidindi ^o. 8 Langokuvuthela kwamakhala akho ^p amanzi abuthelelwa; impophoma zema njengenqumbi ^q; izinziki zajiya enhliziyweni yolwandle. 9 Isitha sathi: Ngizaxotsha ^r, ngifice, ngehlukanise impango ^s; isiloyiso sami sizasutha bona, ngizahwatsha inkemba yami, isandla sami sizababhubhisa. 10 Waphephetha ngomoya wakho, ulwandle lwabasibekela ^t; batshona njengomnuso emanzini alamandla. 11 Ngubani onjengawe ^u, Nkosi, phakathi kwabonkulunkulu? Ngubani onjengawe olodumo ebungcweleni, owesabekayo ezindunyisweni, esenza izimangaliso ^v? 12 Welulile isandla sakho sokunene ^w, umhlaba wabaginya. 13 Ukhokhele ^x ngomusa wakho lesisizwe osihlengileyo ^y; wasihola ^z ngamandla akho endaweni yakho yokuhlala yobungcwele bakho ^aa. 14 Izizwe zizwile, ziyathuthumela ^ab; umhelo ubabambile ^ac abahlali beFilisti. 15 Ngalesosikhathi izinduna ^ad zeEdoma zizasanganiseka ^ae, iziphathamandla zakoMowabi ^af, ukuthuthumela kwazibamba, bonke abahlali beKhanani bazancibilika ^ag. 16 Ukwethuka ^ah lokwesaba kuzabehlela ^ai; ngobukhulu bengalo yakho bazathula njengelitshe ^aj, size sichaphe isizwe sakho, Nkosi, size sichaphe isizwe osithengileyo ^ak. 17 Uzabangenisa, ubahlanyele ^al entabeni yelifa lakho, indawo oyenzileyo, Nkosi, ukuthi uhlale kuyo, indawo engcwele ^am eziyimisileyo izandla zakho, Nkosi. 18 INkosi izabusa kuze kube phakade lanininini ^an.

19 Ngoba ibhiza likaFaro ^ao langena olwandle lenqola yakhe labagadi bakhe bamabhiza, iNkosi yasibuyisela amanzi olwandle phezu kwabo ^ap, kodwa abantwana bakoIsrayeli bahamba emhlabathini owomileyo phakathi kolwandle.

20 UMiriyamu umprofethikazi ^aq, udadewabo kaAroni ^ar, wasethatha isigujana esandleni sakhe ^as; bonke abesifazana basebephuma ngemva kwakhe, lezigujana ^at lemigido ^au. 21 UMiriyamu wasebaphendula ^av wathi: Hlabelelani iNkosi ^aw, ngoba inqobe ngodumo. Ibhiza lomgadi walo ikuphosele olwandle.

Amanzi ababayo eMara

22 UMozisi wasemkhokhela uIsrayeli eqhubeka esuka eLwandle oluBomvu, baphuma baya enkangala yeShuri ^ax; bahamba insuku ezintathu enkangala, kabatholanga manzi. 23 Kwathi lapho befika eMara babengelakuwanatha amanzi eMara, ngoba ayebaba; ngakho ibizo layo lathiwa yiMara. 24 Abantu basebekhonona ^ay bemelene loMozisi besithi: Sizanathani? 25 Wasekhala eNkosini ^az. INkosi yasimtshengisa isihlahla, asiphosela emanzini ^ba, amanzi asesiba mnandi. Yabamisela khona isimiso lesimiselo ^bb, lalapho yabalinga ^bc, 26 yasisithi: Uba lilalela lokulalela ilizwi leNkosi uNkulunkulu wenu ^bd, lenze okulungileyo emehlweni ayo, libeke indlebe emilayweni yayo, ligcine zonke izimiso zayo, kangiyikwehlisela phezu kwenu lasinye sezifo ^be engazehlisela phezu kwamaGibhithe; ngoba ngiyiNkosi elelaphayo ^bf.

27 Basebefika eElimi ^bg lapho okwakukhona imithombo elitshumi lambili yamanzi, lezihlahla zelala ezingamatshumi ayisikhombisa; basebemisa inkamba khona emanzini.